Ný stafræn umsókn um fæðingarorlof

Nú geta verðandi foreldrar sem eru á vinnumarkaði sótt um fæðingarorlof stafrænt á einfaldan og notendavænan hátt.
Ný stafræn  umsókn um fæðingarorlof hefur síðustu misseri verið í vinnslu í samstarfi við island.is

Ferlið sækir sjálfkrafa  gögn sem þurfa að fylgja umsókninni og sendir sjálfkrafa áfram til maka og atvinnurekanda til samþykktar.

Hvaða hópur getur sótt um stafrænt?

  • Fólk á almennum vinnumarkaði

  • Sjálfstætt starfandi

  • Umsækjendur á atvinnuleysisbótum

  • Utan vinnumarkaðar, fæðingarstyrkur

  • Námsmenn, utan vinnumarkaðar

  • Unnið er að þróun umsóknar fyrir aðra hópa (m.a. vegna ættleiðinga, tæknifróvgana, fjölburafæðinga og fleira), á meðan hún er í vinnslu gilda eldri umsóknir sem má finna hér

  • Athugið að barnshafandi foreldri þarf að klára stafræna umsókn á undan maka.

Smelltu hér til að sækja um fæðingarorlof

Réttur til fæðingarorlofs

Ef þú ert foreldri í meira en 25% starfi áttu rétt á launuðu fæðingarorlofi í 6 mánuði. Greiðslur eru tekjutengdar og nema 80% af meðaltali heildarlauna, að hámarki 600.000 kr. á mánuði.

Hefja má töku fæðingarorlofs allt að mánuði fyrir áætlaðan fæðingardag.

Skila þarf umsókn 6 vikum fyrir áætlaðan fæðingardag eða ef barn er þegar fætt, 6 vikum fyrir upphaf töku fæðingarorlofs.

Aðrar umsóknir

Unnið er að þróun umsóknar fyrir aðra hópa (m.a. vegna ættleiðinga, tæknifróvgana, fjölburafæðinga og fleira), á meðan hún er í vinnslu gilda eldri umsóknir sem má finna hér

Umsóknin er í stöðugri þróun og hvetjum við umsækjendur til þess að senda ábendingar og tillögur til island@island.is